a

Paćvalje forutnaljen,

Resljipe thaj arakhavipe tumare hakonengo, sar vi zakonesi/kanuneso/ thaj ćaćikano zurardipe tumare uđiljimasko majangluno si đevapnipe raštrako/državako thaj sa laće institucie thaj e bućarne borći si te gol bućaće pašon mincasa thaj pherdine zorasa. Hembaro đindo ljengo gova i ćerel. Paljem, khanći naj majfeder, ni e manuš ni e raštra/država/. Goljese si mehanizmora savenca e raštra phurederisavol te laćharel bićaćipe savi an lako lav khoni ćerel. Arakhavutno forutnengo, ja ombudsman jekh si katar ljende – okova savo sikavel pe, po ćaćipe, kana aver institucie ni ćeren khanći, ja ljenđe ćaćimata thaj procedure bišajisaren te tumenđe efikasno loćaren. Te si kaj paćan kaj si tumare manušikane ja minoritikane tromalimata thaj hakora dukhavdine, te si kaj o organo thagarimasko mamuj tumende ćerda ja ćerel đungaljemendijasa, bimincako, korkoremanđimasa; ako tumenđe mincasa ćerel šteta, ja tumen teljarel sebepo disavo personalno savipe; te biresljimasa mangljen o bilaćhipe laćharen, a vi majdur haćaren kaj sen ano hako – đan ko ombudsmano.Ćeren gova ulavdino kana o bilaćhipe trpin sebepo disavo tumaro đenutno savipe. Munre kupabućarne thaj me, ka dikha tumare vaćarimata, dikhljara na već e zakonora/kanunora već vi sa aver ćaćimata thaj trujalimata thaj objektivno thaj realnutno zurara da lji sen globime, ja ka bićhalatumen pe aver mehanizmo araćhimase Tumare hakongo thaj interesora. Te zurardam kasko mukljipe, ka roda te avel laćhardino thaj ka motha ćhand sar šaj te avel ćerdo. Naštisara, maškar gova, korkoro te droisara ćhinadipe ja o procesi pe savo roventumen. Zuraljmasa argumentenca, presijasa themese thaj autoritetesa instituciaće save prezentirisara šajisara o organo angla savo resaven tumare hakora, po zakoni/kanuni fundosarne interesora, ja save Tumenđe zurarel uđiljipe paćan kaj si trubutno o došaljipe laćharel. Te sen paćvalje kaj sen ano hako, aven zuralje. Palje te ćhudljen sajek šajipe kaj najsen, šaj te aven phađe đese. Sajekh hako limitirime si hakonca averenđe thaj silje duj righa – mandatipe thaj uđiljipe. Aven gatisarne te ljen ljiduj.

.

Protector of Citizens

Saša Janković

 "Arakhavutno forutnengo Republika Srbijako (Ombudsmano) araćhel Tumare hakora kontroljil o bućaripe organongo thagarimase.
Ansodi ćhinaven kaj e organora thagarimase mamuj Tumende sesa bimincutne, pe po manđipe ja pe aver ćhand dukhade Tumaro bararipe  -  po la-ćho  sen than."

sj potpis